Cally - 恒生夥理大辦比賽 推動紡織服裝業及學生投入可持續發展|商界講呢啲

Cally一向好欣賞創新嘅意念同設計,咁先可以同世界接軌!噚日小妹去咗恒生銀行(恒生)同香港理工大學(理大)推出嘅「恒生X理大可持續未來挑戰賽:紡織及服裝」啟動禮,呢個比賽鼓勵全港科技創新人才,尤其係年青人可以發揮創意,為業界注入可持續發展嘅元素同動力,Cally覺得真係好有意義啊!

呢個嶄新嘅比賽,分為大專生組及公開組別,歡迎大專生、研究人員、實業家同公眾人士參與。大會設有首輪評審,首先挑選出16隊入圍,入圍隊伍將獲得一系列嘅專業培訓同指導,將其創新點子轉化為適用於行業嘅實際方案。勝出嘅頭3名隊伍將有機會獲發港幣10萬元至30萬元獎金,作為成立初創公司嘅資本!為咗鼓勵大專生發揮創意,仲特設「大專生創新獎」,勝出嘅頭3名隊伍將有機會獲發港幣5千至1萬元獎金。另外,勝出隊伍亦有機會獲得理大提供額外資助及創業支援。

比賽而家接受報名,截止報名日期分別為2022年10月12日(大專生組)及2022年10月31日(公開組)。想知多啲,可以去https://bit.ly/3AW7eMT睇吓!
Cally■香港理工大學知識轉移及創業處暫任總監王家達先生(左)、立法會議員(紡織及製衣界)陳祖恒先生(中)及恒生銀行傳訊及企業可持續發展總監羅淑雯女士(右)一同主持「恒生x理大可持續未來挑戰賽:紡織及服裝」啟動儀式。
■香港理工大學知識轉移及創業處暫任總監王家達先生(左)、立法會議員(紡織及製衣界)陳祖恒先生(中)及恒生銀行傳訊及企業可持續發展總監羅淑雯女士(右)一同主持「恒生x理大可持續未來挑戰賽:紡織及服裝」啟動儀式。

hd