Cally - 「新地賞你禮品卡」「同遊」7大商場吃買玩|商界講呢啲

眨吓眼又到國慶長假期,加埋10月1日即將發放第二期政府電子消費券,Cally即刻搵定有咩著數,等大家儲定彈藥留港消費,都可以有星級享受。新鴻基地產(下稱新地)旗下7大港鐵沿線商場,包括MOKO新世紀廣場、新城市廣場、YOHO MALL形點、新都會廣場、荃灣廣場、新達廣場和HomeSquare,預告喺10月同步推出「好賞˙同遊」獎賞活動,仲全新推出[新地賞你禮品卡],有餐飲和娛樂新優惠,真係喺時候約朋友出嚟shopping兼聚吓啦!

為慶祝新鴻基地產上市50周年,及迎接10月1日第二期消費券發放,新地旗下7大商場大手筆派發近4千萬港元商場購物贈券,更與各大商戶聯乘,提供近2千份驚喜禮遇及低至1折嘅獨家優惠。除此之外,7大商場更聯手推出[新地賞你禮品卡],首批成功換領禮品卡嘅市民更可以免費參加一系列「同遊」嘅消閑活動,等留港消費嘅市民都可以有星級享受。想知更多「好賞˙同遊」嘅細節可以上www.shkpmallgifting.com慢慢睇。
打造本地消閑地圖

新地7大港鐵沿線商場聯手推出全新[新地賞你禮品卡],面值HK$200,禮品卡可以喺港鐵沿線7大商場過千間商戶當現金消費,包括珠寶鐘錶、美容化妝、健康食品、影音電器、時裝配飾、運動用品商舖及多間特色食肆等。而首2,000名成功換領禮品卡嘅顧客,除咗專享精選禮遇,更可以免費參加「好賞˙同遊」嘅娛樂消閑活動,包括帝京酒店獅房菜體驗,一邊飽覽獅子山,一邊食粵菜及川菜;或喺帝逸酒店Alva House歎吓香港情懷自助餐,享受愜意美食;以及喺香港挪亞方舟體驗博覽館及夢想星球,仲有天際100「愛在天際幸福宣言」體驗,等你締造驚喜又浪漫嘅回憶!7大商場精心打造本地消閑地圖,可以玩晒咁多主題景點、高級酒店及娛樂體驗,真係唔怕冇節目啦!

隨着「好賞˙同遊」獻禮活動嘅展開及新租戶進駐商場。新地租務部總經理周淑雯預計,10月份商場人流及生意額會保持升勢,下半年有多個節日效應帶動下,營業額將會持續反彈上升2至3成,所以要加強7大商場項目嘅協同效應,為新一代顧客締造商場消閑新模式。
Cally■新地全新推出[新地賞你禮品卡],有餐飲和娛樂新優惠。
■新地全新推出[新地賞你禮品卡],有餐飲和娛樂新優惠。
■「好賞˙同遊」推出一系列免費參加嘅「同遊」消閑活動體驗
■「好賞˙同遊」推出一系列免費參加嘅「同遊」消閑活動體驗
更多文章