Cally - 香港綠色建築週2022啟動禮 回顧十年里程|商界講呢啲

最近Cally去咗由建造業議會同香港綠色建築議會合辦嘅「香港綠色建築週2022」啟動禮,當日有環境及生態局局長謝展寰、建造業議會主席何安誠同香港綠色建築議會主席張孝威做主禮嘉賓。今年嘅主題係「十築綠建築起2050碳中和」,搞咗多個公眾活動,包括邀請公眾化身綠建KOL嘅《十築十KOL - 綠建短片拍攝比賽》、宣揚綠色工作環境嘅「輕型上班日」、有獎網上互動遊戲「綠建十築遊」等,號召大家親身探索本地綠色建築,一齊幫手做到2050碳中和嘅目標。

即日起召集大家參加線上同實體公眾活動「綠建十築遊」。香港綠色建築議會主席張孝威話香港綠色建築週踏入十周年,今年創下唔少記錄,支持機構超過180間,創歷年新高,大家對綠色建築嘅認識同減碳意識有增長,業界對綠色建築嘅推廣都好積極。綠建係未來發展大趨勢,市面上有唔少綠色金融嘅產品,只要達到綠建認證要求,按揭、貸款等利息較低,無論對小市民投資定企業集團發展都有利,相信可以進一步推動更多發展商投資可持續發展項目。未來議會繼續全力支持特區政府喺2050年前實現碳中和目標。
Cally
更多文章