Cally - 新城市廣場斥1.5億元打造全新兩層6萬呎Play Park 今日起開始試業 主打「沉浸式」娛樂體驗|商界講呢啲

而家潮流興玩「沉浸式」體驗,唔少商場同主題樂園為咗令顧客感受到獨一無二嘅購物體驗,都會為佢地安排獨特嘅娛樂活動。沙田新城市廣場斥資咗1.5億元設計全新兩層樓高、佔地面積達6萬呎嘅娛樂體驗專區「Play Park」,不論大小朋友都可以喺入面搵到啱心水嘅娛樂。呢個亦係新城市廣場首個主打「全年齡」娛樂體驗式消費概念嘅先導項目,匯聚咗海外同本地頂尖親子文青休閒體驗式品牌,打造沉浸式娛樂體驗,大大提升顧客互動性同參與。

「Play Park」喺今日正式試業,率先試業嘅商戶包括新加坡最大型親子遊樂中心「Kiztopia」嘅首間海外旗艦店、兒童體驗平台「Yum Me Play」全港首家實體店、陶泥創藝工作坊「Artco Sumo」、文青至愛「0.9144M」、全球最大網絡密室逃脫品牌「LOST」等。其餘租戶元祖級主題遊樂場「歡樂天地」同藝人蘇麗珊主理嘅「Shh Massage」等之後亦會陸續登場。新鴻基地產代理有限公司租務部副總經理許嘉雯小姐指,Play Park預熱推廣帶旺銷情,額外投放300萬元宣傳,顧客累積消費最高者可獲2,000蚊商場購物禮券。為配合10月1日派發嘅第二期消費券,商場更送總值逾4,000萬商場電子禮券。新城市廣場更夥拍新地旗下嘅7大商場舉辦「好賞同遊」推廣,喺10月1至16日於場內用消費券可獲額外回贈逾12,000蚊。許小姐預期新城市廣場10月份嘅人流同營業額將按年上升12%同15%。
Cally■新城市廣場Play Park商戶之一新加坡得獎兒童室內遊樂場Kiztopia。
■新城市廣場Play Park商戶之一新加坡得獎兒童室內遊樂場Kiztopia。
更多文章