Cally - 樂富廣場「樂動.農莊」 齊齊投入綠色健康生活|商界講呢啲

Cally知道領展一直以「社區營造」概念,利用當區嘅特色,將商場設計成社區嘅聚腳點。好似旗下嘅樂富廣場唔單止有合共過萬呎嘅戶外休憩空間,仲係好多條行山路線嘅起步點,所以就將商場嘅A區和B區,分別以「山嶺」和「躍動」為設計主題,將運動文化融入社區!此外,同場仲有近三千呎嘅都市農莊,今年10月至12月以「樂動.農莊」為主題舉辦一系列活動,等大家齊齊投入綠色健康生活。

啱啱去咗「樂動.農莊」嘅啟動禮,領展香港租賃董事總經理霍業生話領展積極進行社區營造,以人為中心打造多元化嘅公共空間,發掘社區嘅獨有特色,令物業成為社區參與及民眾互動嘅好地方,而且仲提高居民歸屬感,同強化社區意識。

啟動禮上,領展同時宣布與慈善團體智樂兒童遊樂協會合作,以「到處走、到處遊」為主題嘅「智樂遊樂車3系」將於特定日子駛進樂富廣場躍動休憩空間,以流動形式為兒童打造獨一無二嘅遊樂場。

為咗令唔同年齡層嘅人士都能享受運動樂趣同促進各界藝術文化交流,樂富廣場躍動休憩空間將會定期引入具挑戰性嘅新興運動同大型文化活動,大家仲可以免費借用相關運動用品。為揭開序幕,閃避球香港隊成員亦有去到啟動禮現場,同領展香港租賃董事總經理霍業生、藝人孫慧雪兒子Riley等,分成兩隊率先體驗「躍動閃避球對決」活動。

另外,本地插畫師皮忠及Pen So喺啟動禮上即席以截然不同嘅創作風格進行Art Jamming,向大家示範人與人之間嘅創意火花,引發出無窮嘅可能性同藝術價值。樂富廣場將於11月聯乘10位本地藝術家,帶領100位市民一同進行大型Art Jamming活動,支持本地藝術發展;聯乘畫作將會用作慈善義賣用途,幫助兒童全面發展。
Cally
更多文章