Cally - 嚟北角匯同12隻恐龍一齊過聖誕!|商界講呢啲

十二隻恐龍除咗去野餐之外,今年聖誕仲會同大家一齊過聖誕!12隻不同品種、大小、神情嘅恐龍已經到達咗北角匯,令北角匯周邊即刻變咗侏羅紀世界。海濱花園有隻1:1原大的機械恐龍,另外11隻遍佈北角匯1至3期,就連聖誕樹都有大小恐龍進駐。只要走到2期地下露天廣場,你就會見到一隻有巨大頸傘嘅雙脊龍,藏身喺25呎高嘅聖誕樹當中!但係呢度不止一個不速之客,換好聖誕裝束嘅戟龍,就企係商場「龍」門度迎接大家!

活動期間一連五個周末同假日,北角匯將舉辦1:1三角龍聖誕巡遊,而The Point會員仲可以可憑積分及消費參加體驗活動與三角龍全接觸,包括以仿真草餵食同抱抱三角龍;又或者化身恐龍化石專家,見證三角龍生蛋,完成活動後仲可以將模型恐龍化石蛋帶番屋企。

拎部手機出嚟參加「12隻恐龍去咗邊?」手機遊戲,搵齊12隻恐龍嘅足跡,就可以完成「新手探險家」及「高級探險家」任務,有機會贏取高達HK$130商場購物及美食贈券組合。

好似小妹咁後生嘅都有聽過首關於恐龍嘅兒歌,喺呢度而家就可以化成真實啦!會員只需憑積分及消費就可換領由意大利餐廳「Giovanni Pina」提供的秋「意」野餐SET或由韓式薄餅專家「Go Pizza」提供的「Go Picnic」精選套餐,咁就可以同「12隻恐龍去野餐」啦!
《十二隻恐龍過聖誕》主題裝置
開放日期︰即日起至2022年12月30日
開放時間︰上午10時至晚上10時
地點︰北角匯1至3期
費用︰全免
Cally

hd