Cally - 香港設計中心二十周年 以「常行」展現可持續概念|商界講呢啲

唔講唔覺,原來香港設計中心今年已經二十歲啦。咁嘅大日子佢哋就梗係搞大佢賀一賀啦!所以就衍生出一系列以「設計‧構建可持續社區」為主題嘅慶祝活動,「常行」設計展覽就係重點活動之一。

「常行」有流動、可變意味,將「可持續」概念由最基本的物料運用開始,延伸至心靈乃至文化承傳等面向,以嶄新角度展示。而展覽會分別喺中環街市同PMQ元創方舉行。而場地嘅差異就考驗策展團隊嘅「設計續航」力啦,所以展覽利用靈活、易於運送的板材,以唔同形式的立體幾何組合作出變奏,去展示合共50多件形形色色、跨越世代嘅展品,用呢啲「有形」嘅展品,嚟呈現背後珍貴「無形」嘅價值。由於容易拆件組裝,就可以一次過滿足兩個場地嘅需要,不但精簡、功能性強而富美學品味,亦都可以完美回應展覽主題的核心概念。

如果對作品有興趣,仲可以參加公眾導賞團、工作坊和設計師分享會等活動。喺中環街市116號店Spectrum內的DS Pop-up亦提供由本地設計的生活好物,可以當做聖誕禮物添!
「常行」展覽
日期:即日起至2022年12月12日
時間:11:00-20:00
地點:中環街市一樓活動場地
收費:免費入場
日期:2022年12月15日至2023年1月29日
時間:11:00-20:00
地點:中環PMQ元創方HG10-HG12 & HG19
收費:免費入場
Cally■同場展出出自香港多位舉足輕重設計師如Henry Steiner、靳埭強、李永銓及又一山人等人的21張海報作品。

■同場展出出自香港多位舉足輕重設計師如Henry Steiner、靳埭強、李永銓及又一山人等人的21張海報作品。
更多文章