Cally - 「社企民間高峰會」推動社會創新 政府首推社企Tree嘜|商界講呢啲

後疫情時代,香港要復常必須齊心合力!Cally知道第15屆社企民間高峰會(SES 2022)昨日喺灣仔會展展開,主題係「全民啟動 躍變未來」,以實體及線上混合模式進行,最特別係匯聚超過70個嚟自唔同國家及地區嘅社企創辦人、商界領袖、非牟利同政府機構代表及學者等,利用民、商、官、學嘅交流同合作,一齊探討點樣復原及重塑社會同經濟體系,真係好值得大家欣賞同支持。

主禮嘉賓香港特別行政區政府政務司司長陳國基表示,本地社企有超過700間,積極推動社會創新同社企發展,好似「伙伴倡自強」社區協作計劃同社會創新及創業發展基金。政府亦計劃推出「社企有建樹」並通過「Tree嘜」標誌,畀市民認識本地社企。開幕禮嘅「政策對談」環節中,勞工及福利局局長孫玉菡亦會就「社會創新締造疫後新機遇」題目,討論社會創新點樣制定同推行更有效嘅方法去應對未來挑戰及可持續發展等。

內容豐富 推動市民共同參與

「國際研討會」第二日就圍繞三大主題,包括「共益元宇宙:探索Web3的社會影響力」,以創新科技角度探視社創嘅發展;主題二「跨城聯盟:重塑未來工作模式」,透過收集國際嘅視野同見解,促進城市喺社創嘅集體影響;主題三「連結資源 復元創新」, 探討點樣善用及共享資源。大會喺第三日嘅「社創青年峰會」,會向青年人灌輸社會創新精神,等佢哋分享創新點子同項目。另大會更安排研討會及三場社創體驗,以及喺10個地區進行社區計劃同培訓項目,等各界人士深入各區,認識社會創新。活動詳情可以去SES網頁https://ses.org.hk/ 了解吓。
Cally■政務司司長陳國基今日主持開幕禮宣佈推出「社企有建樹」計劃,通過社企「Tree嘜」標誌,讓公眾更易識別本地社企,支持社企發展。
■政務司司長陳國基今日主持開幕禮宣佈推出「社企有建樹」計劃,通過社企「Tree嘜」標誌,讓公眾更易識別本地社企,支持社企發展。
更多文章