專欄

Cally - 新地聯動中港七大商場豪擲千萬迎通關｜商界講呢啲

商界講呢啲 - Cally 2022-12-31 列印

香港與內地落實通關，相信會吸引更加多人北上或南下消費，身邊有唔少內地朋友仲已諗好喺新春前落嚟香港辦年貨，然後約埋我一齊北上血拼。精明眼有tips醒你：原來新鴻基地產（下稱新地）將聯動旗下七大中港商場，包括本港六大鐵路沿線商場：新城市廣場、YOHO MALL形點、MOKO新世紀廣場、新都會廣場、荃灣廣場、新達廣場，以及位於廣州天河嘅大型購物中心天環Parc Central，由1月8日起推出「好賞˙同遊」消費禮遇，向北上消費嘅港人以及嘅內地旅客送出價值高達$1,000萬嘅消費獎賞！

首先，本港The Point會員可以憑200積分兌換價值人民幣¥50嘅廣州天環電子餐飲券。另外，六大新地商場亦將同步推出消費回贈禮遇，只要喺推廣期內於本港參與商場消費滿港幣$500，就可以換領人民幣¥150嘅廣州天環電子餐飲券。

除此之外，更多優惠禮遇包括適用於新地六大本港商場嘅「新地賞你禮品卡」，天環會員可利用積分換領價值港幣$200嘅「新地賞你禮品卡」，禮品卡通行喺新地旗下六大港鐵沿線商場，更可於過千間接受銀聯嘅商戶消費，仲有連串食買玩娛樂消閒商戶優惠等等，換言之，響香港辦完年貨，返內地玩又可以慳返筆，係至精明嘅消費攻略。
Cally