Cally - 煤氣獨家發售 米芝蓮星級大廚炮製賀年糕點|商界講呢啲

每年農曆新年有咁多賀年糕點,想食靚糕點除咗睇品牌外,都可以留意有咩大廚主理。曾經係「福臨門」同上海嘅米芝蓮餐廳「喜粵8號」效力過嘅米芝蓮星級名廚簡捷明師傅,就同佢嘅團隊推出咗個專業級嘅手工糕點套裝。

套裝包括爵士糕、富貴糕及銀沙糕三款。爵士糕由綿滑有糯嘅年糕做底,加入咗伯爵茶嘅香味後,佢嘅芳香會停留係口腔入面,加上清新嘅檸香減輕油膩感;富貴糕即係瑤柱蘿蔔糕,粗條狀嘅蘿蔔清香更有咬口,蝦米瑤柱花菇各有風味,但臘味喺生切生炒後突顯咗佢嘅鹹鮮甘香,展現出層次感。最後銀沙糕將沙葛切割成條,並用沙葛汁水作基礎,而銀魚酥炸成金黃色,配上越南金勾灣蝦米、瑤柱、芹菜同埋花菇等,令味道更有層次。

賀年手工製作糕點套裝原價每套售$388,現特價$268於煤氣客戶中心及好氣Fun有售。
Cally
更多文章