專欄

Cally - 北角海濱花園化身浪漫港版「地膚之森」｜商界講呢啲

商界講呢啲 - Cally 2023-01-10 列印

地膚又稱為波波草，佢有「夫妻圓滿」呢個咁浪漫嘅花語。喺日本茨城就有一個超人氣嘅波波草園，仲被喻為「世界十大浪漫花田」之一添！由即日起至3月15日，北角匯對出碼頭嘅北角海濱花園獲得日本國營常陸海濱公園官方認證，打造《地膚之森》園藝裝置，將呢片浪漫嘅波波花海搬到香港，呢片桃紅色嘅波波球將會係今年最動人嘅愛情聖地！

草園裝置入面有一座琉璃小教堂矗立在喺漫天嘅波波草海之間。配合水晶球隧道打造成為五大令人心動嘅打咭位。由祈求愛情、初見、告白、拍拖以至求婚，「地膚之森」唔同嘅角度可以見證你愛情路上每個珍貴時刻。

北角匯同時帶嚟8大活動，The Point會員憑6,000積分加消費就可以換領「萌爆茨城吉祥娃娃」一隻。寵物友善餐廳「活LITM」亦會推出限定版人寵同樂「波波主題美食」。而喺指定日子著住象徵戀愛嘅粉紅色衫到訪商場，財神仲會同你親自道賀，並送上別具創意嘅波點揮春。北角匯亦會特別舉行Busking活動，唱出代表不同階段嘅歌曲，締造浪漫嘅氛圍。

商場仲推出多個消費獎賞活動，同埋【萌兔貴族】立體利是封同福袋「兔」裝換領，詳情記得留意場內宣傳海報啦！
Cally