Cally - 譚仔車車.譚仔畫慈善藝術展覽|商界講呢啲

2021年「譚仔遮遮」慈善義賣活動取得成功後,譚仔一直都好活躍。今年又有新搞作啦!

譚仔聯同本地插畫師Plastic Thing以及著名模型車製造商Majorette,以譚仔之寶「譚仔姐姐」和香港獨有文化「譚仔話」作引子,推出兩款迷你鋁合金模型車「譚仔車車」。另外佢哋亦邀請咗12位本地插畫師設計出12幅譚仔畫《譚仔話.譚仔畫》,仲製作成慈善月曆同準備做慈善義賣,為HER Fund婦女動力基金同協康會籌款,佢哋祈望繼續透過慈善活動支持社區關懷、兒童同青少年嘅發展工作咁話。

同時,由即日起到1月19日,喺旺角The Forest地下廣場及廣場走廊會舉辦「譚仔車車.譚仔畫慈善藝術展覽」,你可以一次欣賞12位本地插畫師點樣用譚仔話作畫添。
日期:即日起至1月19日
時間︰上午10時半至晚上10時半
地點:九龍旺角奶路臣街17號THE FOREST地下廣場及廣場走廊
Cally■喺旺角The Forest嘅藝術展覽就可以睇到12位插畫師嘅創意啦。
■喺旺角The Forest嘅藝術展覽就可以睇到12位插畫師嘅創意啦。
更多文章