Cally - 北角匯成今期「最心動愛情勝地」 「求婚大作戰」企劃締造難忘回憶|商界講呢啲

「雙春兼閏月」宜嫁娶,更何況又遇上西方情人節,呢期好多人準備緊求婚!北角匯同著名婚禮顧問歐惠芳聯手推出「求婚大作戰」服務,只需要$9,988就可以一次過幫你打點晒成個浪漫過程,包括喺場內戲院包場求婚、喺戶外大電視放閃示愛、舉行慶祝派對,仲有商戶提供嘅名貴花束同汽酒等。喺2月5日或之前仲可以參加「最佳求婚計劃書」大募集,提交200字嘅「我的求婚計劃書」,佢哋會揀出10位得獎者用1折價錢享用以上套餐,嚟考驗吓自己嘅浪漫創意啦!

另外,北角匯對出海濱公園《地膚之森》園藝裝置嘅光影琉璃教堂、水晶球隧道同大片粉紅波波草,喺推出短短時間就被封為「最心動愛情勝地」,係呢期最熱門影相嘅放閃新寵!

即使你同情人未Ready走到人生另一個階段,北角匯一樣係今期拍拖聖地!The Point會員可以用100積分預約指定日子時間,喺北角匯2期大電視循環播放你嘅示愛短片,見到都冧爆!屆時只要影相連埋同日電子貨幣消費單據,就可以換領商場電子贈券;喺2月11日同14日向活動大使同紅粉愛神展示粉紅色物品同講出「情人節快樂」,更可以分別獲贈心型棉花糖同粉紅氣球;同日仲有人氣Buskers演繹多首浪漫情歌添。
Cally■北角匯與歐惠芳婚禮顧問會為「最佳求婚企劃書」活動選出10位最有創意及心思嘅得獎者,喺指定時段內用1折享用「求婚大作戰」求婚統籌服務套餐!
■北角匯與歐惠芳婚禮顧問會為「最佳求婚企劃書」活動選出10位最有創意及心思嘅得獎者,喺指定時段內用1折享用「求婚大作戰」求婚統籌服務套餐!
更多文章