Cally - 荃灣廣場復活節大玩7大打卡熱點|商界講呢啲

4月份,對於小朋友嚟講絕對係「Play Month」,兒童節、復活節假期,絕對要大玩特玩!Cally收到風荃灣廣場喺3月31日去到5月7日舉辦「玩樂童「萌」」,當中會有7大超級Playful嘅打卡位,全部都以春日粉彩色調同圖案作基調,再配搭各種色彩的幾何圖案,非常可愛cutie,當中又加入唔少互動元素如攀架及吹氣裝置,小朋友既可以盡情玩,又可以俾家長打卡影靚相。
另外,喺假日更特別舉行「Glamping體驗」,等大家可以喺山系Glamping 帳篷中,一邊同好友享受悠閒時光,一邊品嚐人氣咖啡店NOC Coffee Co.提供嘅咖啡及烘培美食,仲可以慢慢細聽多位人氣Busker表演,包括:曾參加全民造星IV嘅Emiko徐嘉蔚、Chanjo陳祖、Kinki盧芷韻及街頭知名Busker - Alfred Wu胡學軒演繹嘅小清新歌曲,未開始已幻想到屆時肯定勁好feel!當然,講明係復活節活動,商場少不了安排「復活節尋蛋行動」,只要成功收集復活蛋印章即可獲得糖果及$30商戶優惠券作獎賞。小朋友玩緊時,媽咪想shopping的話,就要把握機會啦,事關多個運動品牌包括ADIDAS、FILA、LittleThing、NEW BALANCE、NEW YOUTH、Sportshouse等運動品牌將提供不同優惠,最低低至3折,貨品數量有限,快來選一套春日運動新裝吧!
查詢:2498 8343
Cally
更多文章