專欄

Cally - 香港初創公司揚威能源界「奧斯卡」TERA-Award大賽｜商界講呢啲

商界講呢啲 - Cally 2023-04-01 列印

被譽為能源界「奧斯卡」嘅TERA-Award智慧能源創新大賽以「為綠色經濟發展賦能」為使命，尋找優秀、創新嘅智慧能源，透過呢個全球化創業服務平台，實現構思。

今年由來自41個國家地區、共275個參賽項目角逐，最後由香港初創公司創冷科技以「無電製冷技術」奪得金獎，獨得100萬美元獎金，係能源行業科技賽事有史以來最高獎金。

「無電製冷技術」係一種零耗能製冷/散熱物料，可以廣泛用喺建築塗料、牆磚，甚至布料上。項目靈感來自非洲銀蟻，團隊模仿銀蟻嘅毛髮結構，將納米顆粒混合材料製成外牆塗料，令太陽熱力反射率達95%，室內熱量亦可以用95%中紅外熱輻射率散發，從而減低冷氣機電力消耗。實驗顯示，喺香港建築物屋頂塗上呢種物料，可以令日間屋頂表面溫度由60度降至30度，如果應用喺全港建築物，預計每年可減少碳排放達六十萬噸。
Cally