前排身邊靚太晚晚煲大台套講保險嘅劇集，佢話呢個題材夠新鮮所以係咁煲！小弟都覺得以保險做主題嘅劇種真係較少，睇睇吓裏面嘅主角做嘅理賠師喺現實保險業界又真係好重要，唔單止負責跟進保險索償咁簡單。據知單係2017年，保險業就賠咗261億港元財產保險賠償，可想而知佢哋肩負幾咁重！
同保險業前輩傾開，保險公司收到索償表格，理賠師會根據保單條款，審視投保人提交嘅資料去批核索償，過程中好多時要同公證行、律師、警察、醫護人員等專業人士合作，有時仲要親身去事發現場調查，絕對唔簡單！如果不幸發生大型天災人禍，保險索償嘅申請同查詢更加係排山倒海咁湧嚟。前輩仲話保險公司知道發生大型事故後，會主動聯絡受災客戶，盡早協助佢哋渡過難關！
不過，唔少人以為買咗保險就「滴水不漏」，有時因為唔了解又或者未睇清楚保障範圍，對賠償有期望落差時，理賠師就要好有耐性同客戶解釋，點樣喺有依據之下作出合理嘅賠償。另一方面，近年呢行亦面對新挑戰，尤其不法之徒嘅貪婪，企圖呃保險賠償，手法更層出不窮，害群之馬最終會令保費上升，令人人受害。所以業界推出預防保險詐騙偵測系統，用高端人工智能分析索償資料，偵查保險索賠詐騙，特別係重複索賠同有組織嘅騙案。
小弟就覺得無論科技幾勁都要人才配合，唔只理賠師缺人，其他保險業中後勤崗位亦好需要新血接棒！保險業有個由政府資助嘅暑期實習計劃開始接受申請，截止日期係3月29日，讀緊大學嘅不妨參加，話唔定發掘到自己嘅事業方向，做個真正守護神！詳情請瀏覽：https://www.instalent.org.hk/tc/content/sip
Jacky哥
;){kind=link}
;){kind=link}
;){kind=link}
;){kind=link}
;){kind=link}
;){kind=link}