一講起保險，除咗我哋日常接觸嘅醫療、人壽、旅遊保之外，仲有一種保險同打工仔息息相關，有別於一般嘅勞工保，呢種「專業責任保險」係為提供指定服務範疇嘅專業人士，好似係醫生、護士、律師、會計師及建築師等提供保障。
由於佢哋喺履行職務期間須行使專業判斷，審慎程度或技術水平都需要符合相關行業所訂嘅標準或要求。正正因為工作性質特殊，呢類專業人士所面對嘅風險亦相應增加，一般公眾責任保險都未能提供周全嘅保障。既然預視到危機，佢哋更需要一份針對特定範圍嘅保險，應付因疏忽或遺漏而引致訴訟嘅賠償，以及相關嘅法律支出。
以婦產科醫生為例，如果喺接生過程中發生醫療事故，相關人士可提出索償。試諗吓如果無咗「專業責任保險」嘅保障，一旦病人入稟追討損失，醫生可能因無法承受巨額索償及訟費而招致破產，病人亦無法得到賠償。有見「專業責任保險」嘅重要性，醫管局舊年底亦決定擴大「專業責任保險」保障，希望醫護人員可以喺有保障嘅工作環境下安心工作。
Jacky哥
;){kind=link}
;){kind=link}
;){kind=link}
;){kind=link}
;){kind=link}
;){kind=link}