大愛無疆界之餘，仲有話獅愛無疆！點解咁講？昨日小弟到「獅子會流動捐血車啟用儀式暨獅子全城愛心捐血日」嘅發佈會，跟獅子會303區總監郭美華同埋第二副總監梁禮賢傾開，2016年獅子會應紅十字會嘅提議捐贈流動捐血車，佢哋仲話因為得到303區各屬會及獅友嘅支持，再加上獅子會國際基金會十萬美元撥款，籌到超過700萬元，唔單止足夠捐贈一部價值550萬嘅「獅子會流動捐血車」，餘額仲全數捐贈購買三部支援流動捐血隊服務嘅輔助車，大大改善香港流動捐血服務。同時仲宣布新嘅「獅子會流動捐血車」正式會喺今年4月13號啟用，並且會取代現役服務咗超過十六年嘅流動捐血車，方便到市民之餘真係可以造福香港有需要嘅病人！
話時話香港首個獅子會喺1955年始創，至1960年國際獅子會批准成立「國際獅子總會中國港澳303區」，佢哋成立至今都不停地不論個人報酬或利益而為人群服務，七、八十年代303區已經為香港捐血運動努力，至2015年開始更加每年舉辦「獅子全城愛心捐血日」，唔單止動員全區獅友，仲出錢出力支持香港市民捐血！
小弟提一下大家，今年「獅子全城愛心捐血日」會係4月13號，當日為咗答謝各為捐血救人嘅善心人，每位到紅十字會轄下各捐血中心捐血嘅人士，都會獲得獅子會贊助嘅紀念襟章，咁有意義嘅活動，大家一定要支持去捐血呀！
Jacky哥
;){kind=link}
;){kind=link}
;){kind=link}
;){kind=link}
;){kind=link}
;){kind=link}