企業熱話——一條心為大家開心快樂努力

  近排旅遊業界受住社會氣氛低落影響,業界都受到唔少震盪,前幾日到金怡假期30週年酒會,主席葉慶寧Freddy(右圖)都話,近幾個月基本上冇咩企業會大搞慶祝活動,連商場都大幅減少聖誕佈置同宣傳推廣,佢哋都曾經猶豫是否舉辦呢次酒會,最後大家都認為作為一間有三十年歷史嘅企業,應該負些社會責任,所以決定排除萬難舉辦呢次慶典,希望透過海外賓客同駐港領事們嘅蒞臨,傳達正面信息,等海外旅客重臨香江!

  當晚唔單止有財政司司長陳茂波、運輸及房屋局局長陳帆、行政會議成員及立法會議員葉劉淑儀、商務及經濟發展局副局長陳百里、財經事務及庫務局副局長陳浩濂、立法會議員鍾國斌等做主禮嘉賓之外,金怡仲請到來自中國內地、埃及、希臘、印度、日本、歐洲、緬甸、台灣、泰國、新加坡、馬來西亞及菲律賓等海外嘉賓,場面真係十分賓虛,人數接近700人,咁多人聚首一堂,真係別具意義,亦都為業界打咗支強心針!

Jacky哥

hd