企業熱話——「疫」境「字」強 趁機學好網上學習

  小朋友呢排都停學,身為家長梗係希望子女留喺屋企都努力學習!由珠海學院校監李焯芬教授、立法會馬逢國議員、食物及衛生局前局長高永文醫生發起,得到香港出版總會、香港各界文化促進會、香港影業協會、香港體育社團聯會作為發起機構,建立咗網上文化公益活動「全民抗疫,以讀攻毒」。

  之所以有咁嘅活動,李焯芬教授話家陣網上學習係大趨勢,趁而家小朋友留喺屋企,係培養網上學習好習慣嘅好時機,咁日後可以更好配合時代發展需要;馬逢國議員更加話逆境「字」強,百「讀」便不侵!高永文醫生對項目亦表示支持,仲呼籲「一同齊心協力,對抗新型病毒威脅!

  呢個網上平台(網址:https://www.readtogether.hk)連接咗出版、文化、影視、體育、教育、藝術等界別,並分為「停課不停學」、「以讀攻毒」、「網上生活」、「抗疫知識」四個板塊,更有特別為中、小學生,提供閱讀、學習、考評、專業培訓,以及心理諮詢、體育、保健、飲食和娛樂等資訊與服務。

Jacky哥

hd