企業熱話——線上幫手 線下去一田購物優惠日搶貨

  每半年一度嘅「一田購物優惠日」都會引到萬人空巷,今年喺疫情底下,下星期28號開始全線12分店及10大特別展場同步舉行優惠,萬件筍貨1折起發售,好想去但係限聚令又未取消,點算?小弟收到消息,佢哋有新安排,就係首度引進入場預先登記系統,專門針對28、29、30號同埋6月3號百貨部門嘅入場安排!

  網上登記步驟好簡單,登入一田指定網站www.yata.hk/vip,以YATA-Fans會員或滙豐信用卡登記,然後選擇分店、日期、時段,成功登記後仲有SMS短訊發出電子入場券兩張,咁到咗登記嘅日子時段30分鐘前,憑顯示電子入場券入場。既可以平價、又唔使聚集而又買到心頭好係咪好周到呢!提一下大家百貨部門5月31日至6月2日、超市部門5月28日至6月24日、特別展場5月28日至6月3日,全部公開開放、唔使預先登記呀!

  一田今年仲打破以往慣例,1折貨品逐日推出;而「3大爆抵專區」包括「抗疫同行1折專區」、「2折電視專區」、「每日限定優惠」。預告吓今年筍貨有幾著數:5月29日限定原價$3,180 Fissler 36cm中式炒鑊勁減至$499、5月30日限定BOSCH手提攪拌機只售$29、入門級TCL 24”LED iDTV僅以$236發售、兩大泳裝名牌Arena及Speedo低至半價…

Jacky哥

hd