企業熱話——同心撐香港 發放正能量

  疫情下處處都同心抗疫,香港房屋協會推出「同心再撐起」消費推廣活動,房協企業傳訊總監梁綺蓮介紹話,房協由10月1號起總共會派發約90,000套現金券,畀轄下20個出租屋邨居民、長者房屋租戶、房協員工等,每人一套共100元嘅現金券,憑券可以喺房協轄下近290間參與活動嘅商戶使用,當中有超過80家商戶會提供額外折扣優惠或者禮品。

  其實房協早前宣布由10月起延長合資格商戶嘅租金減免,另外出租屋邨租戶喺10月亦獲租金寬免,加埋今次呢個「同心再撐起」活動,係想為社區帶來進一步支持同埋發放正能量。而現金券唔單止居民有著數,又可以提升消費意欲。梁小姐仲話,攞住呢啲現金券可以喺今年10月1號至10月31號,到參與商戶消費時使用,消費每滿10元即可使用一張現金券,每次使用數量不限,所以可以話係真心著數!

Jacky哥

hd