企業熱話——為公益競投新鈔票

  香港公益金推出第二期「新鈔票公益珍藏套裝」,為本港有需要嘅人士籌款,而且仲得到香港三家發鈔銀行─中國銀行 (香港 )有限公司、香港上海滙豐銀行有限公司與渣打銀行 (香港 )有限公司再次為慈善出力,慷慨捐贈一批全新鈔票畀公益金。今年推出嘅兩個系列─「至善珍藏系列」及「至尊珍藏系列」,合共三款限量版套裝,當中「至善珍藏系列」最大嘅亮點就係首次推出嘅三整版40連張港幣$50鈔票,仲係限量最多300套(認購價每套港幣$16,888),真係好有收藏價值!而「至尊珍藏系列」分兩款,限量30套嘅全套新鈔票套裝(相同精選幸運號碼),競投底價每套港幣$38,888;限量最多170套嘅全套新鈔票套裝(相同號碼),認購價每套港幣$28,888。有興趣競投及認購的人士,可以瀏覽活動網站https://newbanknotes.commchest.org。記得截止提交競投或認購申請日期係今個月10月23號中午12時正呀!

Jacky哥

hd