企業熱話——跨代共融有得做

  要達致跨代共融並唔係講吓就得,好似香港房屋協會聯同理大賽馬會社會創新設計院舉辦咗個「跨代共融遊樂空間設計比賽–駿發花園」公共空間設計比賽,早前剛舉行頒獎典禮(圖),比賽係以跨學科投入為主要評審準則,吸引咗18隊專業組隊伍和59隊大學生組隊伍參加,參賽隊伍以房協嘅駿發花園做實驗案例,重新設計佢嘅露天公共空間,並以倡導跨代共融遊樂空間為目標,提供創新與實用兼備嘅設計方案。評審團成員仲包括理大校董會副主席李國祥醫生、安老事務委員會主席兼JCDISI顧問委員會主席林正財醫生、房協行政總裁陳欽勉、香港規劃師學會會長周日昌,以及香港園境師學會會長許虹。呢個活動就如陳欽勉喺頒獎禮所講,透過活動引起大家對跨代共融遊樂空間嘅關注,仲可以為業界發掘到新思維,真係一舉多得。

Jacky哥

hd