企業熱話——鴻哥推出急凍食品包 正!

  喺北角好有名嘅鴻哥,十幾年嚟主廚「阿鴻小吃」甚至連續多年攞到米芝蓮星級食肆,可知佢嘅美食真係贏盡口碑。近年鴻哥仲去到觀塘工業區開分店,依然門庭若市,更加係區內嘅人龍店,喺而家疫情下仍然保持到生意額,真係一啲都唔簡單!家陣鴻哥仲大展拳腳,喺觀塘店旁開設近萬呎廠房,推出一系列急凍產品,全部係真空包處理,大家買返去之後只要放喺滾水內翻熱,咁就可以食到美食,真係又美味又方便又簡單!must buy items有鮑汁豬手及炸醬肉絲等,每次返貨都好快斷貨,小弟就特別鍾意金錢牛肚及薑汁甜豉油豬手,在家難整之餘佢又做得十分出色。記得呢啲急凍美食包只喺「阿鴻小吃」店內售賣,冇其他地方買到,要買就要去觀塘鴻圖道83號東瀛遊廣場地下A舖,想知仲有冇貨可以打去3107 4111問一下先!

Jacky哥

hd