企業熱話——8位得獎者 向全球華人揚大愛

  由港澳台灣慈善基金會愛心獎主辦、鳳凰衛視協辦及製作、北京東西方慈善論壇、台灣八大電視、現代財經基金會、新加坡恒一基金公司協辦;UA亞洲聯合財務有限公司榮譽贊助嘅「第15屆2020愛心獎頒獎典禮」,經已圓滿舉行!喺頒獎禮上仲見到多位中港台猛人,包括愛心獎終選委員會主席又係香港特區政府前律政司司長梁愛詩,同埋佛光山港澳深地區總住持永富法師、香港UA亞洲聯合財務總裁張炳煌、港澳台灣慈善基金會主席王茂林等!

  香港政務司司長張建宗仲為典禮題詞,提到呢個獎喺今年別具意義,為香港注入正能量,而且仲創造咗多個第一,包括首屆將參選人延至全球華人地區、首年終選改用「通訊投票」選出8位得獎人。今年嘅8位得獎人分別係(下圖左起)來自香港嘅黃凱欣、陳守仁,來自內地嘅劉海鷹、盧邁,來自台灣嘅星雲大師、呂若瑟、沈文振,以及海外華人鮑潘曉黛。

  愛心獎創辦人林添茂當日仲話今年按規劃,將獎項延伸至台灣、內地及全球華人地區,而由2025年第20屆起,獎項將會不分國家、種族、宗教,共選愛心楷模,而且仲好希望大家喺愛同包容底下,能夠繼續向前,迎來更為和平、安定、繁榮嘅世界。想睇多啲有關愛心獎嘅,除了留意愛心獎面書,仲可以登入佢哋嘅網址www.compassionaward.org。

Jacky哥

hd