企業熱話——又多個健康生活百貨逛街選擇

  上個星期去到九龍建業旗下喺荃灣如心廣場新開張嘅首達百貨Soda Mall第五間分店,喺而家人人關注健康嘅情境下,品牌概念就係健康、民生同互動,店舖內每個區域嘅貨品都好獨特、好有品味!當日品牌行政總裁莊生(上圖左)仲搵埋名廚Jacky Yu(上圖右),即場利用店舖食材為大家煮兩味,真係夾晒間店嘅「色」「味」俱全!

  講「特色」梗係講品牌嘅精品超市,其中包括獲香港漁農處頒發認證嘅本地水產品牌「仟國水產」、五星級酒店名廚「瑞士黃秋生」Jacques Kagi 自家品牌「Jacques n Grill」、西班牙伊比利亞黑毛豬、直送日本和牛、有機水耕蔬菜、有機雞蛋、時令水果等。

  佔地近6,000呎嘅店舖,除咗精品超市仲有生活百貨,包括引進多個好有生活「品味」嘅品牌,以特色醬料如鹹蛋黃醬、龍蝦XO醬起家之品牌「好食得濟」、Simplii Yours–專業烘焙優質咖啡豆/咖啡粉及高級咖啡用品、歐洲進口食用花、健康保健品等。此外,到得店舖更加要逛逛港人至愛嘅$12日系家品、竉物用品及家居用品區,以及試試好玩嘅可口可樂沙冰機「Supercooler」,只需買指定膠樽裝汽水,就可以極速將汽水製成沙冰!

  提大家Soda Mall如心廣場新店地址係荃灣楊屋道8號如心廣場一期2樓214-216號舖,營業時間係每日朝十晚十!

Jacky哥

hd