企業熱話——一週日食個豐富semi brunch

  每到星期天梗係要休息吓,不過都要跟親朋好友聚一聚嘅,食個早午自助餐就至啱!尖東帝苑酒店2樓嘅法式小餐館J's Bar Bistro推出歐陸週日早午自助餐,一坐低每位就有一客冰鎮海鮮,包括有緬因州龍蝦尾、鱈場蟹腳、鮮蝦、青口及海蜆等,真係望見都醒晒。再嚟個頭盤同沙律,選擇多多,食勻意大利水牛芝士番茄、煙三文魚、慢煮鴨肉配多士、法式雞肉凍批配牛膝草等都得。主菜仲可以任選一款扒美國西泠伴薯蓉配燒汁、經典煙肉水煮蛋牛油蛋黃醬、焗法國春雞半隻伴黑松露醬或者松露醬野菌燴意大利粉。最後食埋好多款嘅甜品,真係為星期一再衝刺加咗唔少力!要試,記得要打去2733 2088訂位呀!

Jacky哥


hd