企業熱話——城大投放5億港元 推動大型創新創業計劃

  年輕人有諗頭、有幹勁想創業,通常最缺嘅就係機會與資金,早兩日去到城大「HK Tech 300」啟動禮,見識到呢個創新創業計劃,真係可以提供到機會同資金畀年輕人,而且創業便好似呢個計劃主題咁「創科無限 引領未來」!

  當日見到兩批年輕人,一批應用科研實證開創護膚產品,去年營業額便達千萬,未來還會應用微藻技術開發濕疹產品;另一批設計了一個震動手環,作為輕度和中度聽障人士助聽器以外嘅另一選擇,預計2022年會推出市場。他們都係城大畢業生,都係憑藉自己嘅科研知識,向城大申請撥款,開咗創意初創公司,得到資金支持下,公司更是漸進地成長中!

  呢個「HK Tech 300」係由香港城市大學推行,目標係未來三年內投放5億港元,協助城大學生成立300家初創企業,將城大嘅科研成果轉化為實際應用,據知計劃所投入嘅資金及計劃規模,都係亞洲區內大學之首!

  當日啟動禮好多猛人聚首一堂,有創新及科技局局長薛永恒、香港科技園公司(科技園公司)主席查毅超博士、香港數碼港管理有限公司(數碼港)董事局主席林家禮博士、香港工業總會主席葉中賢博士、香港中華廠商聯合會會長史立德博士、城大校董會主席黃嘉純以及城大校長郭位教授(如下圖)。聽薛生講呢個計劃造就有利創業氛圍有助於推動創科發展,亦都鼓勵咗更多年輕人投身創業行列。黃先生都話「HK Tech 300」充分展示城大對培育人才、發展知識型社會嘅遠見。小弟身處其中,都為自己係城大一份子而感到自豪!

Jacky哥

hd