企業熱話——年輕人創作樂齡科技 助長者提升生活質素

  照顧長者不單要事事關心同提醒,如果有埋符合佢哋需要嘅輔助產品幫手咁就更好!好似一直推動居家安老嘅香港房屋協會,就特別搞咗個科技創意活動「創科樂『耆』中」,讓中學生同專上學生運用STEM教育嘅知識,為長者設計合適嘅產品,早前仲完滿舉行咗頒獎禮。房協主席陳家樂(圖)都有出席頒獎禮,仲話見到同學仔嘅作品,真係覺得佢哋設計唔單止嶄新仲好實用,真係為樂齡科技發展注入咗新思維,好似專上學生組金獎作品戶外智能健身站同中學生組金獎嘅E-mat智能防滑墊,都係好特別嘅設計,當日藝人劉丹同周嘉洛仲親臨現場試用參賽作品呢!如果大家想參觀得獎作品,五月份去到油麻地眾坊街駿發花園地下嘅「房協展覽中心」就會見到。

  當日陳生仲話,房協其實喺二十幾年前已開展長者房屋,位於紅磡利工街嘅第三個「長者安居樂」項目將喺明年落成,未來都會喺屋邨重建及專用安置屋邨項目加入長者房屋,希望為老人家實現居家安老嘅願望。

Jacky哥

hd