企業熱話——《頭條開LIVE》「教育CEO系列」 專訪本地及國際學校多位著名校長 本周六首播 維多利亞(海峰園)幼兒園校長分享

  呢個《頭條開LIVE》系列叫得做「教育CEO」,係指校長同時係帶領學校嘅「Chief Executive Officer」和「Chief Education Officer」!所以系列內容,將會分別專訪本地及國際學校多位著名嘅校長,包括維多利亞(海峰園)幼兒園、聖若瑟小學、聖保羅男女中學、啟歷學校、香港國際學校和漢基國際學校,真係位位都係教育界猛人。唔單止嘉賓陣容強大,主持仲係由Jennifer Ma馬賢慧擔任!

  資深教育家Jennifer係周大福教育集團首席策略官,本身亦係英國牛津大學一級榮譽畢業生,而且佢聯合創辦嘅ARCH Education,多年嚟更成功幫數千位學生升讀海外頂尖學府,確實係有料之人!今次她現身幕前,邀請一眾本地及國際幼兒至12年級的著名校長接受獨家專訪,位位都是資深教育領袖,對教育充滿熱誠、份量十足。

  而每集約45分鐘嘅訪問當中,透過校長嘅分享,家長們可以掌握更多最新及專業嘅育才資訊。好似今個星期六嘅第一集嘉賓─維多利亞(海峰園)幼兒園校長鄭麗銀Debbie,除了分享幼兒選校心得,亦會講解學校辦學理念及課程特色,包括融合兩文三語、IB課程、哥倫比亞大學讀寫課程、創客教育等。



準時收看 獲取專業育材資訊

  記得首集係今個星期六6月12日下午3點,同步直播的Facebook專頁包括:頭條日報(https://www.facebook.com/headlinehk/live/),星島日報、星島教育、東周刊、POP新聞、親子王Smart Parent、CTF Education Group、Jennifer Ma馬賢慧。

Jacky哥

hd