企業熱話——香港箏派難得演出

  今個月26號7點半,香港箏樂團將會喺沙田大會堂演奏廳演出,今次主題係蘇振波箏樂作品之《史詩名著歷史人物音樂會》。一提起香港箏派創建人物蘇振波(圖)老師,他承傳咗自47年傳入香港嘅古箏樂器,歷經70多年,成就咗今日嘅香港箏派,而今次樂團演出係為介紹港派箏樂作品,讓愛好者重溫中國部分歷史人物、詩詞和名著。協奏曲方面有由蘇大師主奏《紅樓夢》選段、《萬世師表》等。而許菱子大師亦會主奏杜甫嘅《兵車行》,仲有好多悲喜交集、抒情歡欣嘅演出。想現場感受?門票喺城市售票網有售,節目查詢可致電2736 3992。

Jacky哥

hd