企業熱話——全新面目示人 仲有好多優惠

  AEON大窩口店啱啱完成裝修喇,除咗以新面目示人之外,由即日起至7月7日,仲帶嚟一系列精采優惠畀顧客。專為年輕家庭打造嘅「KIDS REPUBLIC」,從媽媽懷孕到孩子出生成長每個階段,都可以一一幫到大家。全新嘅室內設計營造悠閒氣氛,色彩繽紛嘅裝修同陳列,吸引小朋友之餘,仲可以同父母享受歡樂親子時光。仲有超受大家歡迎嘅Supermarket,除咗整體環境配置進行優化之外,未來仲會搜羅更多各地新鮮食品、精緻商品、超人氣零食同加入更齊全嘅自家品牌「TOPVALU」商品,種類多不勝數,實行全方位照顧每位顧客日常生活嘅唔同需要。另外,iC innercasual休閒內衣同家居服專門店係由日本引入嘅自家品牌提供功能性內衣、舒適家居服同休閒服,採用優質物料,着上身特別舒適。簡樸嘅設計、素色、高親和性,真係啱晒各位姊妹啦。而家仲有好多優惠等緊大家,包括自家品牌TOPVALU購物袋換領、$50現金券大激賞、iC電子優惠券換領優惠等,只需要滿足佢哋嘅要求就可以攞到㗎喇!今個假期,仲唔快啲去AEON大窩口店掃貨。

Jacky哥

hd