企業熱話——強強合併組建電競遊戲娛樂公司 中港澳青年新機遇

  打電子遊戲機,是娛樂;但到電競嘅層面,便完全是一個完整產業,當中包含咗好大嘅經濟價值,包括來自賽事、遊戲、廣告、周邊硬體設備,以至直播和轉播等,都可以為產業帶來收益。單以國內遊戲業產值計,由十年前嘅359億到2020年達到2786.7億,可以預估產業嘅前景!

  喺今個月才組建嘅星威忍者集團,就係由星競威武文體發展有限公司與瑞典電競俱樂部Ninjas in Pyjamas(NIP)合併而成,集團董事長係何猷君先生,聯合創始合夥人仲有Hicham Chahine、孫力偉、Jonas Gundersen、王嘉爾等。何生仲同東方盛世主席姬鏞倡先生簽訂全面戰略合作,計劃聯手喺全球各地打造頂級冠軍俱樂部和電競城。東方盛世並擔任投資顧問、基金管理人,喺香港成立國際招商及投資中心,聯動和整合更多國際資源,推動中港澳三地和國際電競產業嘅全方位發展,對港澳嘅電競業而言,真係有一個好亮麗嘅前景!

  而家星威忍者喺歐洲、中國、南美地區均設有基地和主場,集團目前喺全球擁有超過250名職業選手、超過200名運營人員、超過8,000多名專業主播及多位頂流明星KOL,能夠帶動超過數以億計嘅流量。東方盛世與星威忍者雙方未來三大戰略目標,包括推動電競業務全球化、普及體育電競化及打造城市數位化。雙方仲將會喺香港打造電競產業國際合作平台,鏈接全球,為港澳兩地青年帶來更多嶄新嘅崗位。對港澳新一代而言,喺電競業就有更廣闊嘅發揮空間和向上流動嘅機會,你話係咪中港澳青年嘅新機遇呢!

Jacky哥

hd