企業熱話——監警會新劇集出爐 真案改編明晚首播

  小弟好少有時間坐定定追劇,但點都要推介一下明晚首播嘅《監警最前線》!

  呢齣電視劇由監警會(獨立監察警方處理投訴委員會)製作。聽行內老友講,呢套四集電視劇由真實個案改編,選材同拍攝都一絲不苟,特別挑選與市民日常生活息息相關嘅個案,等大家追劇更投入之餘,亦可以進一步認識兩層架構投訴警察制度,以及監警會嘅運作。

展現兩層架構投訴處理全貌

  明晚第一集故事主線,講述警務人員調查搶劫傷人案期間,為了盡快緝拿持刀兇徒,以私人手機拍攝閉路電視的畫面,然後用流動通訊程式發送給同僚查案。其後影片被上傳至網上廣為流傳,引起受害人及其家人不滿,投訴辦案警員洩漏閉路電視片段「疏忽職守」。經投訴警察課調查後,認為雖然有若干可靠證據支持指控,但不足以分類為「獲證明屬實」,遂在調查報告中將指控分類為「無法完全證明屬實」,連同對違規警員的跟進行動呈交監警會審核。監警會卻認為有足夠證據支持指控,經過多番「出Q」、分析及討論,最後將指控分類改為「獲證明屬實」,以及就前線警務人員因公務需要使用私人手機向警方提出改善建議。

  監警會究竟點解會對呢宗投訴得出呢個結論?大家記得聽晚追劇喇!

投訴成立與否以證據為依歸

  在本港現行嘅兩層架構投訴警察制度下,由隸屬警隊嘅投訴警察課負責接收、調查投訴,然後將調查報告提交監警會審核。睇劇前,小弟一直以為監警會只需要睇投訴警察課嘅調查報告,就可以判斷誰是誰非。但原來監警會如果對調查報告有疑問,會提出質詢(Queries),簡稱「出Q」,即要求投訴警察課澄清、提供更多資料,甚至作進一步調查等等,釐清調查報告所有內容,以助監警會審核報告時,作出獨立、公平和公正的判斷。由此可見,監警會作為獨立法定機構,一定會全面仔細地檢視所有證據,從而衡量涉事警員有否違規,絕不會對投訴警察課的觀點「照單全收」,咁樣先至可以做到獨立、不偏不倚,讓投訴人及被投訴人都可以受到公平、公正嘅對待。

提出建議改善警隊服務質素

  其實,處理投訴嘅目標除了釐清事實及責任,從而化解不滿外,監警會當然有更重要嘅使命,就是在審核投訴嘅過程中,研究警隊有何需要改善嘅地方,從而提出可行嘅優化建議,協助警隊提升服務質素,以預防投訴。正如今集個案,警員用私人手機傳送資料,本意是希望盡快將疑犯繩之於法,的確情有可原,但當中又牽涉資料保密等因素,究竟如何才能取得平衡呢?監警會又向警方作出甚麼建議?

  想知答案?聽晚記得坐定定睇劇喇!

節目預告:

10月16號起連續四星期逢星期六晚上11點30分翡翠台(81台)播出,半小時劇集《監警最前線》。

Jacky哥

hd