• 2022年1月29日 星期六
  • 18º
  • 92%
  • facebook
  • Weibo
  • RSS

企業熱話——旺角T.O.P商場聖誕創意聯繫消費群

  今年聖誕疫情稍為放緩,但出遊計劃仍然受阻,好在唔少商場把握市民留港消費嘅商機,畀港人可以開心消費,感受節日氣氛。好似旺角潮人集中地嘅T.O.P. This is Our Place,今年聖誕搞搞新意思,吸客又吸金。以前商場試過同本地同亞洲唔同嘅插畫師合作,把藝術文化融入生活中。領展資產管理(香港)主管范世牧透露今次商場就聖誕活動投資6位數金額,更延伸創意思維,衝出亞洲,邀請到紐約設計師Wade and Leta,將國際大都會嘅藝術文化帶到T.O.P,既擴闊文化視野又為本地旺角文化帶來新元素。
  設計師Wade and Leta係紐約設計界新寵,來頭唔少,曾與Google、Instagram、Vogue、Gucci等國際知名品牌合作,出名運用「多學科設計」(Multidisciplinary Designs),包括拍攝、服裝及平面設計等,融合一系列嘅視覺元素,顛覆線條、幾何及顏色,以不規則嘅圖形抽象演繹作品,堪稱玩味鬼才情侶視覺藝術家。呢個組合今次會為商場空間及香港項目擔任設計總監,將紐約市標誌性嘅城市風貌及五光十色嘅都市魅力,變成大型藝術裝置帶嚟香港。

AR擴增實景成為吸睛打卡點
  小弟知道商場今次運用AR擴增實景技術帶領顧客遊走多個場景,天台會有視覺衝擊遊樂園,另外近中庭會設置4米高幻象聖誕空中吊飾,仲有3米闊嘅紐約地標浮雕牆。范世牧解釋:「T.O.P設計獨特,外場用上多元色彩營造獨特視覺效果。而Wade and Leta 擅長以多學科設計展現視覺想像,創作媒介橫跨多個維度,平面設計、攝影到牆壁浮雕、虛擬現實體驗都引起群眾嘅興趣。今次亦會運用T.O.P場地空間配合錯視技巧,為目標客戶群帶嚟視覺衝擊。而將MK變成NYC,亦能滿足客群久未外遊嘅慾望。」
  其實T.O.P嘅形象一向獨特,富日韓潮流特色。今個聖誕Wade & Leta以別樹一格嘅設計風格跟T.O.P非常合襯,相信一系列設計及打卡位將為顧客提供發揮創意嘅機會及愉快嘅購物體驗。

支持青年創業主攻Gen-Z客戶群
  近日香港嘅消費氣氛愈嚟愈濃厚,范世牧透露商場會有多間新舖進駐,將會吸引更多嘅人流同生意。「商場引入好多品牌,令到商場嘅租戶組合更豐富,亦為青年創業家提供租舖選擇。隨著市況改善,租務狀況理想,整個項目出租率逾90%。」
  商場仲好落力扶助商戶,幫佢哋擴展業務,好似喺中庭設置巨型LED屏幕同喺場內設有多個電子顯示屏,而且仲會配合社交平台專頁,提供宣傳渠道,增加品牌曝光率。推廣方面,會繼續與唔同設計單位同受年輕人歡迎嘅品牌合作,甚至夥拍佢哋一齊籌劃節日及主題活動,等商戶可以有多啲機會接觸新客群。
  問及港人近年好喜歡戶外活動,范指T.O.P將會加以善用喺5樓嘅空中花園,舉辦多元化嘅活動,等大家可以喺鬧市中享受綠化戶外空間。同時預計新商戶組合會吸引唔少嘅年輕客群,加上今年市道氣氛比上年好,預料大家都會更多出外食飯同購買禮物,會為商戶帶嚟唔少機遇咁話。
Jacky哥



■T.O.P x Wade and Leta呈獻「From New York to Hong Kong」四米高幻象聖誕空中吊飾。

■T.O.P x Wade and Leta呈獻「From New York to Hong Kong」四米高幻象聖誕空中吊飾。

■設計師Wade and Leta是紐約設計界新寵。

■設計師Wade and Leta是紐約設計界新寵。

■十個瞄準愛支持本地品牌的年青客群嘅品牌將加盟,涵蓋餐飲、精品、服裝及玩具品牌。

■十個瞄準愛支持本地品牌的年青客群嘅品牌將加盟,涵蓋餐飲、精品、服裝及玩具品牌。

hd