任睇No.1
  • 34º
  • 59%
  • 2022年6月28日 星期二

Jacky哥 - 江樂士上76台 闡釋法治與國安法|企業熱話

香港嘅傳統法治精神同國安法起到定海神針嘅作用!想知多啲,可以留意今晚香港國際財經台重量級訪談節目Friday Beyond Spotlights,邀請咗香港回歸後首任刑事檢控專員江樂士資深大律師Grenville Cross逐步闡釋。節目由有線寬頻通訊有限公司副主席曾安業同港區人大代表陳曉峰律師一齊主持。

江樂士喺一九九七年獲委任刑事檢控專員,做咗長達十二年至退休為止。佢話香港司法獨立同堅穩嘅法治傳統,係社會秩序同經濟發展嘅基石。仲強調國安法有嚴厲必要,但同時尊重人權同法治精神,撥亂反正,令工商業可以喺安穩嘅環境下運作,一國兩制行穩致遠,可超越二零四七年。

展望未來,佢認為香港政制已臻完善,配合祖國特別係大灣區嘅發展,前途無限。佢鼓勵年青人不懼挫折,永不言敗,放遠視野,再接再厲。

另外,江樂士透露個人鐘意收藏清朝官帽飾物,探究各國文化歷史,而且仲好酷愛大自然。
Jacky哥

hd