任睇No.1
  • 34º
  • 59%
  • 2022年6月28日 星期二

Jacky哥 - 大家開飯 家家有飯食|企業熱話

疫情下基層市民生活備受衝擊,時有聽聞經濟有困難人士要領取免費飯盒,面對社會需要,一直善用餐飲專長及資源和分店網絡回饋社區嘅大家樂集團,4月啟動「大家開飯」食物援助計劃,而且邀請鄰舍輔導會合作,支援即時經濟困難家庭、失業及低收入人士。每位合資格人士可喺8星期內憑「開飯咭」到大家樂快餐分店兌換飯餐,每人援助金額有港幣$4,000元,據講首年資助總額會達港幣1,200萬元!大家樂集團有限公司行政總裁(香港)梁可婷仲話集團會同時研究進一步拓展「大家開飯」項目規模,未來會畀公眾參與認購飯餐,擴大受眾層面,亦都會邀請唔同社福機構參與,實行集各方力量幫助更多有需要人士!

呢個計劃唔係一次性派發現金券,而係將熱辣辣嘅飯餐直接畀有需要人士,令到佢哋得到溫飽,而且仲可以自行選擇餐款,真係十分體貼。其實呢個計劃喺去年12月至今年2月便曾經試行,共有500名基層人士受惠,而家大家樂集團落實嘅食物援助計劃真係急人之所需!
Jacky哥

hd