任睇No.1
  • 34º
  • 59%
  • 2022年6月28日 星期二

Jacky哥 - 歐陽杞浚上76台 暢談數據產權發展|企業熱話

大灣區目前已成立咗四十三間資產各逾十億美元嘅「獨角獸」新創公司,增長相當蓬勃!想知道箇中嘅潛質,就要留意今晚香港國際財經台重量級訪談節目Friday Beyond Spotlights,邀請咗Animoca Brands總裁歐陽杞浚分享佢嘅寶貴經驗。節目由有線寬頻通訊有限公司副主席曾安業及港區人大代表陳曉峰律師一齊主持。

歐陽杞浚解釋,網際網絡已從提供靜態資訊嘅第一代演變成互動社交平台嘅第二代,而近年仲邁進喺科技圈鬧得沸沸揚揚嘅第三代,採用更開放嘅去中心化模式,使對自己貢獻嘅內容具所有權,大大擴展接觸面。佢指出香港資金出入自由無阻,身為人才濟濟嘅大灣區成員,形勢得天獨厚;喺香港數碼港發展創新科技事業,近水樓臺,容易物色伙伴,吸引創業基金支持。

歐陽杞浚秉承母訓,事業有成之餘不忘回饋社會;佢經常筆記簿隨身,不停學習同警惕自己,仲寄語年青人要敬業樂業,勤奮專注,堅守信念。
Jacky哥

hd