任睇No.1
  • 34º
  • 59%
  • 2022年6月28日 星期二

Jacky哥 - 有種職業叫「能源醫生」?|企業熱話

真係有呢種職業!小弟睇《能源百科》面書專頁見到喺燃氣業工作超過30年嘅資深工程師、港華智慧能源技術部高級副總裁伍宇鏗Humphrey講,「能源醫生」呢個名係佢同事幫佢呢份工改嘅。

咁到底呢位醫生做咩?Humphrey話30多年前,佢畢業無耐就加入煤氣公司擔任助理工程師。當年雖然未有「能源醫生」嘅概念,但世界一直在淘汰一啲舊式能源同工具。當年香港有唔少人,尤其係茶餐廳、大酒樓等商戶,用緊舊式「油渣爐」。「油渣」即係柴油,係一種價格極度便宜,但含有極多雜質嘅燃料。油渣爐具有一定危險性,而且油煙多,當時有唔少大型酒樓廚房設喺地下或一樓,就需要接駁一條長長嘅煙囪到大廈頂樓,去排走廢氣。當時佢返呢份工嘅第一個任務,就係挨家挨戶聯絡舊式油渣爐嘅工商業用戶,協助佢哋轉用相對安全同乾淨嘅煤氣煮食爐。過程中要幫佢哋改裝現有爐具,去配合返管道煤氣系統,成個過程同做手術十分相似。當時嘅工作,就係「能源醫生」嘅雛型。

30年後:減碳如減肥

30年後嘅今天,世界各國都紛紛設定減碳目標,希望減低全球升溫嘅速度。而精明選擇清潔能源同相應技術,就變得十分重要。而家Humphrey會經常往來內地不同城市,尤其係一啲大型工業園區,幫園區同公司做「能源體檢」同「減碳大計」。就好似幫需要減肥嘅病人做Body Check,檢視佢哋飲食同生活習慣有咩問題,然後開一張藥方或「減重To-do-list」,陪佢逐步去落實,最終達至健康體重。

要幫內地工廠減碳,佢哋都試過幾種不同嘅方法,譬如:善用各個園區不同嘅天然資源, 如風、光、地熱等;或者喺工業園區嘅屋頂安裝太陽能光伏板,一般可以令超過10%的電力轉為由太陽能供應。又或者以天然氣替代煤、油等的化石燃料,不但能提高能源利用效率, 也能降低碳與各種污染物的排放。亦可以將電廠、鋼鐵廠等的餘熱回收利用,產生蒸汽、熱水或空調,自用或供應俾周邊客戶,降低園區嘅能源消耗。甚至利用智慧平台為客戶嘅廠房數位化,以減低相關系統嘅運行成本。

所以呢位「能源醫生」就係要細緻咁去審視能源運用,諗下點樣改善生活之餘,亦盡量減低對地球嘅傷害。喺Humphrey身上學到呢啲新知識,大家真係要跟住follow「能源百科」呢個面書專頁!
Jacky哥能源百科面書專頁
能源百科面書專頁

hd