Jacky哥 - 煤氣廠將唔只造煤氣！｜企業熱話
Jacky哥
2022-07-11 00:00
字體大小
話你知，煤氣廠好快就唔只造煤氣，仲會造多一樣嘢？要知答案，梗係搵返專業人士同大家分享啦！同專注生產煤氣近40年嘅煤氣公司燃氣生產總經理、人稱大埔煤氣廠廠長嘅陳錦添Stephen傾計，佢話煤氣由1967年開始已經冇用煤去生產，而配方由當時開始，主要嘅化學成分都冇太大改變。不過，煤氣廠嘅工作都唔係十年如一日，每一次煤氣原料有改動，廠房設備都需要upgrade！好似1970年代，就引入咗潔淨嘅化石原料（石腦油），而1999年煤氣公司就喺船灣建設新廠房，兼提升設備用堆填區沼氣做煤氣生產嘅其中一種燃料，成為香港第一間採用可再生能源嘅公司。後來去到2006年，仲引入最潔淨嘅化石原料天然氣作為原料，進一步減少碳排放。
Stephen仲話為咗幫香港再減碳，接到個最新任務：就係煤氣廠將會發展造氫能！事源近年世界各國都向零碳目標進發，而「氫」就係一種完全「冇碳」嘅燃料，係超級環保能源。喺歐洲好多國家，例如英國同法國，用天然氣咁多年之後，而家都想溝返10％氫氣入去，用起上嚟再環保啲。睇返香港，用咗幾十年嘅煤氣配方其實已經有49％係氫氣！歐洲國家想改良設備去運送高氫氣含量燃料，呢啲技術香港已經用咗幾十年！香港要發展氫能絕對有優勢！
正如頭先所講，煤氣成份入面，有接近一半係氫。即係世界趨之若鶩嘅氫能，原來就喺煤氣之中。Stephen話近幾個月佢哋日夜趕工，建造一個小型嘅氫提純設備作測試，運用先進技術將煤氣入面嘅氫抽取出嚟，不久將來就可以供應畀氫能巴士、氫能小輪使用。
雖然，喺煤氣中抽取氫能並唔係最理想最環保嘅選擇，暫時最好係用再生能源，例如太陽能或者風力發電將水電解，再抽取出氫，不過呢個做法成本超．級．貴！不過相信所有新技術都要循序漸進，希望煤氣公司今次可以幫香港氫能發展踏出重要第一步，其後逐漸吸引更多專家進行氫能技術研究，最終就可以走向最環保零碳嘅綠氫時代啦！
Jacky哥
「能源百科」面書專頁
Stephen仲話為咗幫香港再減碳，接到個最新任務：就係煤氣廠將會發展造氫能！事源近年世界各國都向零碳目標進發，而「氫」就係一種完全「冇碳」嘅燃料，係超級環保能源。喺歐洲好多國家，例如英國同法國，用天然氣咁多年之後，而家都想溝返10％氫氣入去，用起上嚟再環保啲。睇返香港，用咗幾十年嘅煤氣配方其實已經有49％係氫氣！歐洲國家想改良設備去運送高氫氣含量燃料，呢啲技術香港已經用咗幾十年！香港要發展氫能絕對有優勢！
正如頭先所講，煤氣成份入面，有接近一半係氫。即係世界趨之若鶩嘅氫能，原來就喺煤氣之中。Stephen話近幾個月佢哋日夜趕工，建造一個小型嘅氫提純設備作測試，運用先進技術將煤氣入面嘅氫抽取出嚟，不久將來就可以供應畀氫能巴士、氫能小輪使用。
雖然，喺煤氣中抽取氫能並唔係最理想最環保嘅選擇，暫時最好係用再生能源，例如太陽能或者風力發電將水電解，再抽取出氫，不過呢個做法成本超．級．貴！不過相信所有新技術都要循序漸進，希望煤氣公司今次可以幫香港氫能發展踏出重要第一步，其後逐漸吸引更多專家進行氫能技術研究，最終就可以走向最環保零碳嘅綠氫時代啦！
Jacky哥
更多文章
