任睇No.1
  • 17º
  • 80%
  • 2023年2月3日 星期五

Jacky哥 - 恒生辦公室化身色彩繽紛「紙藝園林」|企業熱話

上星期五改着便服返工,真係特別有意義!因為可以籌款支持「公益金便服日」。

其實呢項活動一直深受各界人士歡迎,為咗響應「公益金便服日」,見到恒生銀行執行董事兼行政總裁施穎茵繼上次影完海報呼籲同事參加之後,今次仲同一班恒生新生代,齊齊換上一身型格輕裝,身體力行展現今年便服日「we CARE we WEAR」嘅主題。除咗做善事,仲突出恒生嘅朝氣同活力!

為咗鼓勵員工參與呢項咁有意義嘅活動,恒生今年特別大搞新主意,特別將總行15樓化身成色彩繽紛嘅「紙藝園林」,搵專業紙藝師利用環保物料創作大型園林同埋可愛動物嘅立體紙藝雕塑,將大自然嘅園林景致融入辦公室。當日銀行仲安排埋專業攝影師在場為已捐款參與 「公益金便服日」嘅恒生員工影相打卡,運用創意開開心心做善事,真係Happy Friday啊!

唔講唔知,原來恒生已經連續第25年成為「公益金便服日」嘅鑽石贊助機構,咁多年嚟為活動籌到超過港幣2,700萬元。而恒生今年繼續都會為員工嘅捐款作一對一配對,希望幫到社會上更多有需要人士,實在值得鼓勵。
Jacky哥恒生銀行執行董事兼行政總裁施穎茵(左一)貫徹今年便服日「we CARE we WEAR」主題,換上舒適便服同一眾同事共襄善舉。
恒生銀行執行董事兼行政總裁施穎茵(左一)貫徹今年便服日「we CARE we WEAR」主題,換上舒適便服同一眾同事共襄善舉。

hd