Jacky哥 - 愉景灣 感受浪漫飄雪歐陸聖誕|企業熱話

每年到咗呢個時間,個個地方都會裝飾到靚靚咁迎接聖誕節。不過好多地方都受空間同環境局限,只能搭建臨時嘅展板比人影相。其實香港都有好多大範圍嘅聖誕裝置都好有心思。

喺上個月底愉景灣就進行咗亮燈儀式,筆者有幸獲邀請出席,率先睇到佢哋今年嘅裝飾。今年佢哋將愉景北商場嘅鐘樓特別改造成為10米高嘅巨型聖誕樹,成個格局即刻唔同咗!當日由香港興業有限公司代表鄧滿華先生同李偉明先生負責亮燈,隨後即舉行聖誕巡遊、歌舞表演並上演一場浪漫飄雪,為一連串聖誕慶祝活動掀起序幕。

當晚仲有另一個嘉賓,就係今年拎到香港電影金像獎「最佳男配角」嘅馮皓揚,一連串表演再加上明星效應令現場氣氛幾好,如果你都想感受另一種風味嘅飄雪聖誕,你可以係星期六日嚟到愉景北商場啦。
Jacky哥■馮皓揚連同一眾表演嘉賓一齊大合照留念。
■馮皓揚連同一眾表演嘉賓一齊大合照留念。

hd