Jacky哥 - 恒生復刻版財神利是封 呈現財神經典造型|企業熱話

財神可以話係恒生銀行嘅傅統賀年標誌,寓意富貴吉祥、大吉大利。癸卯免年將至,適逢恒生今年踏入90周年誌慶,特意推出一系列復刻版財神利是封,同客戶一齊迎新春接財神。好似我咁有番咁上下年紀,都會記得以前恒生嘅紅簿仔上面就得個財神,過年時店舖門外亦會貼上恒生財神海報。宜家見到個復刻版財神利是封,所有經典畫面都係眼前浮現,搞到我都即刻想儲番一套。

幾款復刻版財神利是封分別用咗唔同嘅印刷技術,包括燙金、壓印、立體紙藝及雷射雕刻切割等,以新舊交融嘅方式重新呈現恒生財神嘅經典造型,分別為優越理財、商業銀行同私人銀行客戶送暖迎兔賀新禧。例如商業銀行送嘅利是封,一打開就有立體財神,活靈活現地做到「財神到」嘅效果,祝願企業生意興隆,真係相當貼心!至於私人銀行客戶咁尊貴不凡,佢哋嘅利是封係直接印刷成財神模樣,分為彩色版本同金色版本,收到利是開心之餘仲可以用嚟做揮春,整年都福氣滿滿!今時今日啲利是封咁精美,唔怪得出面有價有市,生活咗幾十年真係第一次見到咁都有得炒‥‥‥
Jacky哥 ■私人銀行客戶嘅利是封係直接印刷成財神模樣,收到呢封利是就好似接財神咁!
■私人銀行客戶嘅利是封係直接印刷成財神模樣,收到呢封利是就好似接財神咁!
■商業客戶嘅利是封印有生意興隆,相當貼心。
■商業客戶嘅利是封印有生意興隆,相當貼心。
更多文章