Jacky哥 - 將4,000平方米巨型LED幕牆變成超震撼示愛場面|企業熱話

曾幾何時情人節用大電視嚟示愛係一件大事,不過今時今日可能大家習以為常咗,不過如果將大電視變成幕牆又會係另一個層次!

信和集團旗下8大商場屯門市廣場、奧海城、荃新天地、中港城、黃金海岸商場、尖沙咀中心、帝國中心、藍灣廣場同信和廣場特別推出「Love in the City」活動,將尖沙咀中心同帝國中心嘅4,000平方米巨型LED幕牆變成極為震撼嘅巨型LED心意卡。

由即日起至2月7日,S+ REWARDS會員可以用50點數登記活動並挑選心意字句,寫埋上、下款同申請原因就有機會被挑選喺幕牆展示1分鐘愛的宣言;而Sino Club特選會員會收到電郵邀請,經指定活動連結登記,亦有機會被選中。大會為咗呢個重要時刻,會喺14個工作天內電郵送上專屬嘅幕牆照片,畀情侶可以隨時重溫這個扣人心弦嘅浪漫心意。
Jacky哥
更多文章