專欄

Jacky哥 - 恒隆地產「hello甜蜜獻禮」三重回贈禮遇與愛人締造連串甜蜜回憶｜企業熱話

企業熱話 - Jacky哥 2023-02-09 列印

大地回春之時亦係戀愛季節嘅到臨，全城瀰漫住浪漫甜蜜嘅氛圍。恒隆地產旗下商場Fashion Walk、山頂廣場、康怡廣場、雅蘭中心、家樂坊、荷李活商業中心、淘大商場同中環物業（印刷行、樂成行、都爹利街1號以及渣打銀行）由2月10日到4月30日聯合推出「hello甜蜜獻禮」，除咗為hello會員提供情人節餐飲推介同限定優惠攻略外，仲帶嚟消費回贈獎賞。

推廣期內喺上述廣場內最少一間零售商戶同一間餐飲商戶以電子消費滿指定金額，就可以獲取高達$400恒隆電子購物禮券；而即日起至3月12日喺上述嘅中環物業累積兩筆消費滿淨額$2,000，仲可以獲贈$300中環電子餐飲禮券添。最後喺指定餐廳享用情人節套餐，亦可以享有額外禮品或者優惠。

2月11日同12日喺山頂廣場以電子貨幣即日累積消費滿$300或以上，可以換領「情人節限定——個人化手寫瑪瑙石片」參加證，由西洋書法家喺瑪瑙石上面寫上專屬字句，為摰愛送上獨一無二嘅禮物。同時可以去連接商場二樓至三樓嘅萌寵玩樂「草」梯，或者去三樓觀景台欣賞由超過一千個彩色燈籠拼砌成嘅「幻彩天幕」，影張靚靚打卡相留念口添！
Jacky哥