韓國中國頂級舞者擔任評判
大會喺今次比賽更特別邀請 韓國世界級舞者 B-Boy Physicx 同埋中國元祖級 B-Boy組合成員B-Boy Loslogic（細超）擔任比賽評判，仲同香港年輕一代B-boys B-girls同埋香港代表隊交流，教授霹靂舞技巧，希望可以精進佢地嘅舞技，出去海外比賽都可以更具競爭力。
逾萬名觀眾支持 氣氛高漲
選拔賽上個個參賽者都舞技超群，跳得非常出色，連13歲以下參賽者都跳得好好，佢哋隨住音樂節奏凌空轉動，用頭喺地上轉等等嘅高難度動作，一啲都難唔到佢哋，加上霹靂舞係同以Battle對戰形式進行，在場互相較勁，非常刺激精采，令我非常驚喜，睇足全日都仲覺得好興奮。兩日比賽仲吸引超過萬名觀眾到場支持，氣氛一流。香港體育舞蹈總會霹靂舞分部主席兼評審B-Boy Fishball（林生源）大讚參賽者技術超班，特別係 2022 年香港霹靂舞代表隊成員參加完喺2月由信和集團贊助嘅日本集訓後，表現特別亮眼，明顯有好大進步。
信和集團市務集團總經理梁翠珊表示，集團喺 2022 年舉辦霹靂舞三站比賽及一連串推廣活動，成功引起大眾關注香港霹靂舞，今次仲特別請到韓國及中國世界級 B-Boys 嚟香港交流，唔單止支持香港代表隊向奧運進發，仲希望進一步培育新一代霹靂舞精英，令呢項運動走得更高更遠。
Jacky哥
;){kind=link}
;){kind=link}
;){kind=link}
;){kind=link}
;){kind=link}
;){kind=link}