Shimba工作室——【屬於你的三隻錶】Market Play By Uncle Ray



手錶不單止係一個男人嘅身份象徵,同時都代表住佢嘅品味。就算係同一個型號嘅手錶,單單選擇嘅顏色唔同都已經可以反映到唔同嘅特質,所以話手錶對一個男人係有幾重要。已故嘅鐘錶大師鍾詠麟先生曾經表示一個男人必須有三隻手錶:一隻日常佩戴嘅休閒錶、運動款錶同正式場合用嘅華麗腕錶。



其實,鐘錶製造業嘅發展好有趣,十八世紀工業革命令鐵路系統喺西方國家迅速發展,人們對鐘錶及其準確性嘅要求大增,推動製錶工藝越見精湛,各個製錶匠對卓越嘅追求亦為其品牌創造價值。現今科技發達,鐘錶業發展漸由約三百年前以創新發明主導昇華至現在以品牌價值為先,因此不同品牌都擁有自己嘅鐵粉。而 1950 年代嘅香港因為韓戰禁運及內地移民湧入等因素,令本港工業起飛而成為世界工廠。由於港製產品價廉物美,深受歐美市場歡迎,鐘錶業亦因而成為當時香港四大工業之一。



至今香港已經成功轉型至以服務業為主,全球規模最大的香港貿發局香港鐘表展已於今個星期喺灣仔會展舉行,而最後一日(9 月 7 日)係免費開放畀公眾參觀,多款名錶會以展會價發售,仲有名錶匯演等活動參加,希望大家屆時可以搵齊屬於自己嘅三隻錶啦!

hd