Shimba工作室——【身心防禦術】Market Play By Uncle Ray

「肺炎疫情」、「口罩」、「消毒洗手液」等持續成為熱門搜索詞;新春過後,最多人討論嘅話題並不是什麼吉時開工最好,而是彈性上班及 home office 後備方案。當然響應專家的衛生建議,避免出席多人場合,減少聚集和接觸,把交叉感染嘅機率減至最低是應該的。另一方面,商業活動及市場氣氛亦同時急促地被凍結,早前為今年嘅業務發展訂下嘅財務預算不得不再從新規劃。

如果將疫情劃分為「認知」、「恐慌」及「適應」三個階段,商業部處也需要因時制宜,按實際情況去靈活執行。過去幾年,雖然大家都知道真假資訊氾濫,大眾思維、溝通及營運模式急速轉變,但喺商業操作上可以緊貼到市場脈搏嘅成功例子又有幾多呢?疫症嘅出現可以話係一次嚴厲嘅壓力測試,考驗一下團隊嘅應變能力及應有態度。

「肺炎疫症」之外,仲有「中美貿易戰」及「社會運動」兩個重量級挑戰同時出現,過份沉重的心情或會影響反應嘅靈敏度,還是放鬆心情去積極計劃,以最壞嘅打算作最好嘅準備較為合適。香港作為一個中西文化交滙嘅國際都會,無論國內或國外有任何變化,本港也必牽涉其中,我哋必須要認清事實,再去提升自己嘅身心防禦能力!

hd