Shimba工作室——【存活於「平行時空」】Market Play By Uncle Ray

「平行時空理論」係指一件事件的不同結果存在於不同的平行時空中,但每個時空並沒有相互聯繫。舉個例子說,在你面前有兩條路 ─ A 路與 B 路,在一個時空的你走 A 路,而在另一個時空中的你走 B 路,兩個選擇及結果同時存在於兩個沒有連繫嘅時空。但又有科學家認為,只要找到兩個時空嘅聯繫點,便能從一個時空穿梭到另一個時空,實現時空旅行。

我可不是科學家,無從引證!未知聯繫點是否已經開啟,近來頗有生活喺「平行時空」嘅感覺。喺社交媒體上,大家都好落力打造喺平台上嘅形象,懂得用美圖等秘技去呃like,大媽變少女只需數分鐘功夫,線上線下彷似是兩個不同嘅世界,但又同時存在。由修例風波開始,政見不同嘅朋友各不相讓,二元對立下中間派嘅空間幾乎沒有了,同一個家庭存在著兩極化嘅立場卻又同枱食飯變成新常態。肺炎疫情爆發後,出現口罩荒,市民為求自保,四出搜羅消毒及衛生用品,搶購口罩嘅人龍四處可見,市面氣氛緊張,商業活動亦同時急促地被凍結,酒樓食肆場面冷清,消費氣氛接近冰點。另一方面,抗疫時期嘅恆生指數又看似相當樂觀,彷彿已經從一月底嘅低位掉頭向上。希望股票市場仍有預視市場經濟嘅能力,市面可逐步拾回活力!

生活喺充滿不確定性嘅平行時空當中,要因時制宜,適者生存!

hd